کۆمپانیای دێڵ لاپتۆپێکی گۆڕاوی نمایشکرد

لاپتۆپی Dell XPS 15 2018 یەکێک بوو لەبەرهەمەکانی دێڵ لە پێشانگای سێس.
ئەم لاپتۆپە گۆڕاوە دەتوانی بیکەیتە تابلێت بەهۆی ئەوەی 360 پلە دەسوڕێتەوە. پڕۆسێسەری تازەی ئەنتڵی لەنەوەی هەشتەمی لەسەرە لەگەڵ کارتی ڕوونمای AMD Radeon RX Vega M.

جگە لەدیزاینەکەی لاپتۆپە نوێیەکە قەبارەی ڕوونماکەی 15.6 ئینجە بەکوالیتی 4K Ultra HD جیادەکرێتەوە بەدیزاینی InfinityEdge کە ڕوونمایەکی بێ چوارچێوەمان نیشان دەدات، لەگەڵ پارێزەری Gorilla Glass 4 بۆ سوود وەرگرتنی تەواو لەجۆری ڕەنگی Adobe RGB.

بەکارهێنەرانیش دەتوانن بیرگەیەکی کاتی بەدەست بێنن تا 32GB لەگەڵ بیرگەی ناوەکی 1 تێرابايت. هەروەها پێنوسی ژمارەیی Dell Premium Active Pen لەگەڵە کەتوانای هەستەوەری 4066 لەچینەکانی پەستان لەسەر ڕوونما کە زۆر لەگەڵ ڕوونما لەمسەکە گونجاوە.
هەرچۆنێک بێت ئامێرەکە لەبەهار بەنرخی 1300 دۆلار بەردەست دەبێ.